კონფიდენციალურობის პოლიტიკა

ბოლო განახლება: 18.10.2026

ეს გვერდი ხსნის, რა ინფორმაციას აგროვებს აზრიონი (azrioni.ai), რისთვის იყენებს და რა უფლებები გაქვს.

ვინ ვართ

მონაცემებს ამუშავებს ნიკო თევდორაშვილი, ინდივიდუალური მეწარმე, თბილისი. კონტაქტი: info@azrioni.ai, +995 596 07 99 00.

რა ინფორმაციას ვაგროვებთ

• რასაც თავად გვიგზავნი ფორმებით: სახელი, ელფოსტა, ტელეფონი, საქმიანობის სფერო, ბიზნესბრიფის პასუხები და შეტყობინების ტექსტი.

• სესიის დაჯავშნისას: სახელი, ელფოსტა და არჩეული დრო.

• საიტზე ვიზიტის მონაცემები: რომელ გვერდებს ნახულობ, საიდან მოხვედი, რა მოწყობილობითა და ბრაუზერით.

რისთვის ვიყენებთ

• შენს მოთხოვნაზე საპასუხოდ: კურსზე ან სესიაზე რეგისტრაცია, გადახდის დეტალების გამოგზავნა, კითხვებზე პასუხი.

• სესიისა და კურსის შენს საჭიროებაზე მოსარგებად.

• სიახლეების გამოსაგზავნად, მხოლოდ თუ ამას ცალკე დაეთანხმე.

• საიტისა და რეკლამის გასაუმჯობესებლად.

შენს მონაცემებს არავის ვყიდით.

ვის ვუზიარებთ

მონაცემი მხოლოდ იმ მომსახურებებს გადაეცემა, რომლებითაც საიტი და კომუნიკაცია მუშაობს, და მხოლოდ იმ მოცულობით, რაც მათ სამუშაოდ სჭირდებათ:

• Wix: საიტი და ფორმები

• Google (Workspace, Forms, Sheets, Analytics): ელფოსტა, ფორმები, ცხრილები, საიტის სტატისტიკა

• Tally: რეგისტრაციის ფორმები

• Calendly: სესიის დაჯავშნა

• Meta (Facebook Pixel): რეკლამის შედეგის გაზომვა

• WhatsApp: მიმოწერა, თუ ამ არხით დაგვიკავშირდები

• YAMM: ელფოსტის დაგზავნა

შენს მონაცემებს ვინახავთ იქ, სადაც ფორმა შეავსე (Wix, Google Forms ან Tally), და Google-ის ცხრილებში (Google Workspace), სადაც მათ ვამუშავებთ. ამ კომპანიების სერვერები ძირითადად აშშ-სა და ევროკავშირშია. მონაცემს სახელმწიფო ორგანოს მხოლოდ მაშინ გადავცემთ, როცა ამას კანონი მოითხოვს.

რამდენ ხანს ვინახავთ

• ფორმებისა და რეგისტრაციის მონაცემებს: ბოლო კონტაქტიდან 2 წელი, თუ ადრე წაშლას არ მოითხოვ.

• სიახლეების ელფოსტას: სანამ გამოწერას არ გააუქმებ.

• ფინანსურ ჩანაწერებს: იმდენ ხანს, რამდენსაც კანონი მოითხოვს.

სიახლეები

სიახლეებს მხოლოდ შენი თანხმობით ვგზავნით. თანხმობას ნებისმიერ დროს, უფასოდ გამოიხმობ: წერილში დააჭირე „გამოწერის გაუქმებას“ ან მოგვწერე info@azrioni.ai. გაგზავნას არაუგვიანეს 7 სამუშაო დღისა ვწყვეტთ.

ქუქი-ფაილები

საიტის მუშაობისთვის აუცილებელი ქუქი-ფაილები ყოველთვის ჩართულია. სტატისტიკისა და რეკლამის შედეგების გასაზომად ვიყენებთ Google Analytics-სა და Meta Pixel-ს, რომლებიც საკუთარ ქუქი-ფაილებს იყენებენ. მათი გამორთვა ბრაუზერის პარამეტრებიდან ნებისმიერ დროს შეგიძლია.

შენი უფლებები

შეგიძლია:

• გაიგო, რა მონაცემი გვაქვს შენზე, და მიიღო მისი ასლი;

• მოითხოვო გასწორება ან წაშლა;

• მოითხოვო დამუშავების შეჩერება;

• ნებისმიერ დროს გამოიხმო თანხმობა.

მოგვწერე info@azrioni.ai და კანონით დადგენილ ვადაში გიპასუხებთ. თუ ფიქრობ, რომ შენი უფლება დაირღვა, შეგიძლია მიმართო სახელმწიფო აუდიტის სამსახურს, რომელიც პერსონალურ მონაცემთა დაცვას ზედამხედველობს.

ცვლილებები

პოლიტიკის განახლებისას ზემოთ თარიღს შევცვლით.