ChatGPT ვებძიება: როგორ მოძებნო ინტერნეტში და შეამოწმო წყარო

Niko Tevdorashvili

3 days ago

3 min read

ChatGPT-ში ვებძიება ასე ჩაირთვება: წერის ველში დააჭირე +-ს და აირჩიე Web search. პასუხს ბმულები ახლავს, რომლითაც ფაქტს თვითონ შეამოწმებ. ძიება ყველა გეგმაზე მუშაობს, უფასოზეც.

ეს გაიდი ChatGPT ქართულად გზამკვლევის ნაწილია.

რა გჭირდება ChatGPT-ში ძიებისთვის

ChatGPT-ის ანგარიში. ძიება Free, Go, Plus და Pro გეგმებზე მუშაობს, თუმცა გეგმის ლიმიტს ხარჯავს.
კომპიუტერი ბრაუზერით (chatgpt.com) ან ChatGPT-ის აპი ტელეფონზე.
კითხვა, რომელსაც ახალი ინფორმაცია სჭირდება: ფასი, სტატისტიკა, კანონი, კონკურენტის საიტი.

ზოგად კითხვაზე (როგორ დაწერო მისალმება, როგორ დაგეგმო კვირა) ძიება საჭირო არ არის: ChatGPT თავისი ცოდნით უფრო სწრაფად გიპასუხებს. ძიება მაშინ ჩართე, როცა პასუხი დროზეა დამოკიდებული: ფასი, კურსი, კანონი, ახალი ამბავი ან კონკრეტული კომპანია.

როგორ ჩართო ვებძიება ChatGPT-ში

გახსენი chatgpt.com და დაიწყე ახალი ჩატი.
წერის ველში, მარცხნივ, დააჭირე +-ს. გაიხსნება ხელსაწყოების სია.
აირჩიე Web search. წერის ველში გამოჩნდება ლურჯი წარწერა Web search: ძიება ჩართულია.
ჩაწერე კითხვა და ბოლოს დაამატე წყაროს წესი: „მიუთითე წყარო ბმულით, თარიღი და გეოგრაფია“. გაგზავნე.

3: ვებძიება ჩართულია. ახლა კითხვას წყაროს წესით ჩაწერ.

როცა კითხვა ახალ ინფორმაციას ითხოვს, ChatGPT ხშირად თვითონაც ეძებს. თუ გინდა, რომ აუცილებლად მოძებნოს, Web search ხელით ჩართე.

როგორ დასვა კითხვა, რომ კარგი წყარო მიიღო

დაასახელე ადგილი და პერიოდი: „თბილისი, 2025 წელი“, და არა უბრალოდ „საქართველო“.
თქვი, რა წყარო გირჩევნია: ოფიციალური სტატისტიკა, კომპანიის საიტი თუ ახალი ამბები.
მოითხოვე ცხრილი: ფაქტი, წყარო, თარიღი. ასე შემოწმება უფრო სწრაფია.
სთხოვე, ცალკე დაწეროს, რა ვერ იპოვა. ასე გამოცნობილ ციფრს ფაქტისგან გაარჩევ.
თუ პასუხი მხოლოდ უცხოურ წყაროებს ეყრდნობა, სთხოვე, ადგილობრივი წყაროც მოძებნოს.

როგორ შეამოწმო ChatGPT-ის წყაროები

ძიების შედეგი შეიძლება იყოს არასრული, მოძველებული ან მცდარი. ამას OpenAI-იც წერს. ამიტომ მნიშვნელოვან ციფრს ასე შეამოწმებ:

პასუხში წყაროები ბმულებად ჩანს, ტექსტის შიგნით. კომპიუტერზე ბმულზე მაუსს თუ მიიტან, წყაროს მოკლე აღწერას ნახავ.
თუ პასუხის ქვეშ Sources ჩანს, დააჭირე: იქ ყველა გამოყენებული წყარო და დამატებითი ბმულები ერთად არის.
ბმული თვითონ გახსენი და შეამოწმე ოთხი რამ: რიცხვი, თარიღი, გეოგრაფია და რას ითვლის (ცალს, ლარს თუ დოლარს).
თუ ბმული არ იხსნება ან სხვა რიცხვს აჩვენებს, ეს ციფრი არ გამოიყენო. სთხოვე სხვა წყარო ან ოფიციალური სტატისტიკა, მაგალითად საქსტატი.

1: წყაროები პასუხში. გახსენი ბმული და შეამოწმე რიცხვი.

იმავე კითხვაზე ორმა AI-მ შეიძლება სხვადასხვა ციფრი დაგისახელოს. წყარო, რომელიც თვითონ არ გაგიხსნია, დაუმოწმებელია. ციფრი, რომელზეც გადაწყვეტილებას იღებ (ფასი, ბაზრის ზომა, კანონი), ორ წყაროში შეამოწმე.

ვებძიება ტელეფონზე

ChatGPT-ის აპში + მენიუში ჩანს Camera, Photos, Files, Plugins და Think harder. ცალკე ძიების ღილაკი შეიძლება არ იყოს.

ამიტომ კითხვა ასე დაიწყე: „მოძებნე ინტერნეტში...“. ChatGPT ძიებას თვითონ ჩართავს. ადგილობრივ შედეგს ტელეფონზე შეიძლება რუკაც ახლდეს. ხმოვან საუბარშიც შეგიძლია სთხოვო, ინტერნეტში მოძებნოს.

როგორ გამოიყენო ვებძიება ბიზნესში

მაგალითი: საოჯახო სასტუმრო სტეფანწმინდაში ნოემბრის ფასს ადგენს და უნდა იცოდეს, რამდენს ითხოვენ მეზობლები. ვებძიებით 10 წუთში ნახავ საორიენტაციო სურათს, ბმულებით.

მოძებნე ინტერნეტში: რა ფასად აქირავებენ ორადგილიან ოთახს სტეფანწმინდის საოჯახო სასტუმროები ნოემბერში?
მომეცი 5 მაგალითი ცხრილით: სასტუმრო, ფასი ღამეში, საუზმე შედის თუ არა, წყაროს ბმული და თარიღი.
თუ ფასი ვერ იპოვე, დაწერე „ვერ ვიპოვე“, ნუ გამოიცნობ.

ცხრილის მიღების შემდეგ 2-3 ბმული თვითონ გახსენი და ფასი შეადარე. მერე იმავე ჩატში ჰკითხე: „რა ფასის დიაპაზონია და სად ვარ მე?“

ვებძიებით შენს ბაზარს და კონკურენტებს 10 წუთში ნახავ. კურსზე ამ მონაცემით ზრდის გადაწყვეტილებას იღებ, შენს ბიზნესზე.

გაეცანი კურსს

ხშირი პრობლემები

Web search მენიუში არ ჩანს: ახალი ჩატი გახსენი, აპი განაახლე ან სცადე chatgpt.com. სამსახურის ანგარიშზე შეიძლება ადმინისტრატორს ჰქონდეს გამორთული.
პასუხს წყარო არ ახლავს: დაწერე „მოძებნე ინტერნეტში და მიუთითე წყარო ბმულით“.
ChatGPT ამბობს, რომ ინტერნეტში ვერ ეძებს: ახალი ჩატი გახსენი, Web search ხელით ჩართე და კითხვა თავიდან გაგზავნე.
ბმული ძველ სტატიაზე მიდის: სთხოვე, მხოლოდ ბოლო 12 თვის წყაროები გამოიყენოს და თარიღი თითოეულს მიუწეროს.
ადგილობრივი შედეგი სხვა ქალაქისაა: VPN გამორთე ან კითხვაში ქალაქი პირდაპირ დაწერე.
ლიმიტი სწრაფად იწურება: ძიება გეგმის ლიმიტს ხარჯავს. კითხვაზე, რომელსაც ახალი ინფორმაცია არ სჭირდება, ძიება არ ჩართო.

ხშირი კითხვები

ChatGPT-ს ინტერნეტზე წვდომა აქვს?

კი. ChatGPT ინტერნეტში ეძებს, როცა Web search-ს ჩართავ ან როცა კითხვა ახალ ინფორმაციას მოითხოვს. პასუხს ბმულები ახლავს.

უფასო ChatGPT-ში ინტერნეტში ძებნა შეიძლება?

კი, ძიება Free გეგმაზეც მუშაობს, უბრალოდ ლიმიტი უფრო მცირეა. გეგმები ჩამოთვლილია ოფიციალურ გვერდზე (20.10.2026-ის მონაცემით).

ChatGPT ქართულ საიტებსაც ეძებს?

კი, კითხვა ქართულად დასვი და ქართულ წყაროებსაც იპოვის, თუ ინფორმაცია ინტერნეტში დევს. უკეთესი შედეგისთვის წყარო დაასახელე, მაგალითად საქსტატი ან სამინისტროს საიტი.

თვეში ერთხელ: რა შეიცვალა ChatGPT-სა და Claude-ში

ფუნქციები ხშირად იცვლება. მოკლე წერილით გაიგებ, რა შეიცვალა, რას ნიშნავს შენი ბიზნესისთვის და რომელი გაიდი განახლდა. ზედმეტი წერილების გარეშე.

დაკავშირებული გაიდები

წყაროები

ავტორის შესახებ

ნიკო თევდორაშვილი, აზრიონის დამფუძნებელი. 17+ წელი მარკეტინგის გუნდების ხელმძღვანელობაში, 100+ პროექტი 15+ სექტორში. AI უკვე 4 წელია მისი ყველა საკონსულტაციო და სასწავლო პროგრამის ნაწილია.

შემოწმებულია: 20.10.2026. ეკრანები და მენიუს სახელები დროთა განმავლობაში შეიძლება შეიცვალოს.